Հացից հրաժարվելու 5 պատճառ. tert.am

Հայերից շատերի համար նախաճաշը, ճաշը կամ ընթրիքն առանց հացի պատկերացնելը դժվար է: Ոմանք նույնիսկ մակարոնի հետ են հաց ուտում: Սակայն իրականում հացն այնքան օգտակար ու անհրաժեշտ չէ, որքան ոմանց է թվում: Ներկայացնում ենք հացից հրաժարվելու կամ դրա գործածումը նվազագույնի հասցնելու մի քանի պատճառ.

1. Հացն առանձնապես օգտակար չէ

Այն օգտակար նյութերը (B, E, A, F խմբերի վիտամինները, ցինկը, մագնեզիումը, պղինձը, կոբալտը, յոդը, կալիումը, սիլիցիումը, սելենը), որոնք հացին են վերագրում, իրականում գտնվում են հացահատկի սաղմում ու թեփում, որոնք որպես թափոն դեն են նետվում: Սպիտակ ալյուրի մեջ պահպանվում է 30 տոկոսից էլ քիչ օգտակար նյութեր, ընդ որում, դրանք նույնպես արդեն երկու շաբաթ հետո կորցնում են իրենց հատկությունները: Մնում են միայն կալորիաներ ու օսլա, որոնց «շնորհիվ» ավելորդ քաշ եք հավաքում:

2. Քիմիական նյութեր

Հացահատիկը աճեցնելու ու պահելու համար զանազան քիմիական նյութեր են գործածում, որոնք, բնականաբար, հայտնվում են ալյուրի մեջ, այնտեղից էլ՝ հացի, իսկ հետո նաեւ մեր օրգանիզմում: Ավելին, սպիտակ ալյուրի համար օգտագործվում են հատուկ սպիտակացնող նյութեր՝ բենզոիլի գերօքսիդ, նատրիումի ու կալցիումի պիրոսուլֆատ, քլորի երկօքսիդ, որոնք գործածվում են նաեւ լվացքի փոշիների ու լվացող հեղուկների արտադրության մեջ:

3. Հաց եւ մարսողություն

Հացում պարունակվող գլյուտենն այն ձիգ ու փամփլիկ է դարձնում: Սակայն այն կարող է նստվածք տալ մեր աղիների պատերի վրա, ինչը կհանգեցնի մկանային ջղաձգումների, մեթերորիզմի, փորկապության ու լուծի:

4. Խմորիչը նպաստավոր պայմաններ է ստեղծում մանրէների բազմացման համար

Հացում պարունակվող խմորիչը բարենպաստ միջավայր է ստեղծում վնասակար մանրէների ու մակաբույծների կենսագործունեության համար: Սա հատկապես վերաբերում է խանութից գնված հացին:

5. Հացը գիրացնում է

Ցանկացած սննդակարգի առաջին պատգամն է՝ հրաժարվել կամ նվազագույնի հասցնել հացի գործածումը: Չէ՞ որ 100 գրամ ալյուրն ընդամենը 0.1 գ բջջանյութ է պարունակում, իսկ մնացածը բարեհաջող կերպով նստվածք է տալիս մեր մարմնում՝ ճարպային ծալքերի տեսքով:

Փորձեք ամբողջովին հրաժարվել խանութի հացից կամ գոնե նվազագույնի հասցնել դրա գործածումը, սահմանափակվել ամբողջական հատիկավոր, տարեկանի հացով կամ մեր հայկական լավաշով ու արդեն մեկ շաբաթից օրգանիզմում դրական փոփոխություններ կզգաք:

Հարցեր, պատասխաններ, մեկնաբանություններ